Коста Георгиевски оствари триумф на „Армада 14“ во Скопје

Коста Георгиевски запиша голема победа на боречката манифестација „Армада 14“ која викендов се одржа во Скопје.

Ова е прва професионална победа во ММА за младиот борец кој настапува под знамето на клубот „ММА Бутел“.

Публиката во арената имаше можност да види атрактивна борба, во која Георгиевски ја демонстрираше својата разновидност и дисциплина.

Тој успеа да ја искористи својата боречка рутинa, стекната преку годините во различни спортови – од олимписко таеквондо, каде што беше сениорски балкански шампион, па сѐ до џудо каде што поседува кафен појас.

Фото: МакСпорт