Денеска во Хаг, за време на протест на поддржувачи на УЧК, неколку лица го поставија знамето на УЧК на влезот на Амбасадата на Србија и упатија вербални навреди кон вработените.
Според информациите од Амбасадата, инцидентот се случил околу 16 часот, кога пред дипломатската зграда застанало возило од кое излегле непознати лица, поставиле знаме и веднаш се повлекле.
Амбасадата веднаш повикала дипломатска полиција, која ги земала изјавите од персоналот и ги забележала регистарските таблички на возилото. Исто така, најавено е дека ќе се спроведе истрага и ќе се зајакне безбедноста околу Амбасадата.
Според Амбасадата, на улиците во Хаг денес имало стотици луѓе и возила со знамиња на Албанија и УЧК, а минувајќи покрај Амбасадата, дел од учесниците упатувале различни навреди.
