Зоран и Катерина освоија златни медали на Балкан опен во Атина

Македонската џиу-џицу репрезентација продолжува со одлични настапи на Балкан опен во Атина.

Ново злато за националниот тим донесе Зоран Колевски, кој во категоријата до 62 килограми блескаше со четири победи.

Ова е второ злато за Македонија на Балкан опен, откако претходната вечер Катерина Ацевска го освои првото место во сениорска конкуренција, во категоријата над 70 килограми.

Во истата категорија настапи и Данил Николиски, кој поради промена во тежинските рамки овој пат се натпреваруваше во конкуренција до 62 кг, наместо во својата стандардна до 56 кг. Иако се соочи со посериозна конкуренција, успеа да се пласира на деветтата позиција.