Фото: Принтскрин
Русија во рамки на заедничката стратегиска воена вежба „Запад 2025“ со Белорусија изведе симулација на ракетен напад врз Полска, јавува Defence Blog.
Сценариото, според објавените информации, вклучувало користење на балистички ракетни системи „Искандер“ распоредени во Калининградската област. Лансирните возила биле поставени директно на јавни патишта, со подигнати ракети подготвени за истрел, што предизвикало привремено затворање на дел од сообраќајниците.
Ваквата позиционираност на „Искандерите“ овозможува нивен дострел до цели во шест земји членки на НАТО – Полска, Литванија, Латвија, Естонија, Шведска и Германија. Воените аналитичари оценуваат дека маневрите се дел од тактичка демонстрација на способноста на руската армија за брзо распоредување и потенцијален удар врз инфраструктура и цели на територијата на Алијансата.
Западните експерти предупредуваат дека вежбата „Запад 2025“ не претставува само класична воена обука, туку и форма на политичко-воен притисок врз соседните држави.
