Фото: Принтскрин
Во американската држава Јута е уапсен 28-годишниот Тајлер Робинсон, кој се сомничи за убиството на конзервативниот политички активист Чарли Кирк. Осомничениот е спроведен во окружниот затвор во Спаниш Форк, каде што ќе остане во притвор без можност за кауција.
Според информациите од локалните власти, против Робинсон се поднесени првични обвиненија за тешко убиство, употреба на огнено оружје и попречување на истрагата. Законот им остава рок од три дена на обвинителите за да формулираат и официјално да поднесат обвинителен акт.
Судските документи најавуваат дека прелиминарното рочиште ќе се одржи на почетокот на следната недела, кога јавноста ќе може да дознае повеќе за доказите што обвинителството ќе ги презентира.
Случајот предизвикува големо внимание во САД, особено меѓу приврзаниците на Кирк, кој важеше за едно од највлијателните млади лица во конзервативното движење.
