Касами: Дознавме дека имало планови да се запали џамијата на Попова Шапка

Градоначалникот на Тетово и актуелен кандидат за нов мандат, Биљал Касами, предупреди дека постојат сериозни индиции за можни провокации и обиди за создавање меѓуетнички тензии во предизборниот период.

Тој истакна дека ваквите тенденции се забележуваат на повеќе локации низ државата, а особено се насочени кон западниот регион, при што најголем фокус, според него, е ставен на Тетово.

Касами апелираше до граѓаните да не подлегнуваат на провокации и нагласи дека политичките процеси треба да се одвиваат мирно и со меѓусебна почит.

„Добивме информации од наши блиски пријатели од соседните држави дека имало обид за да се ангажираат некои луѓе односно групи да се запали џамијата на Попова Шапка. Тоа ќе биде доволен индикатор дека нешто не е во ред во државата. Затоа ние ги собираме сите вакви информации и во следниот период ќе ги споделиме со нашите партнерски држави“, кажа Касами.