Фото: Принтскрин
Актуелниот градоначалник на Општина Карпош и лидер на политичката партија ГРОМ, Стевчо Јакимовски, официјално ја соопшти својата намера да се кандидира за нов мандат.
Во својата изјава, Јакимовски нагласи дека довербата на граѓаните не е резултат на лични симпатии, туку се темели на конкретни резултати и постигнати проекти во општината.
„Одлуката ја донесов по долготрајни консултации со граѓаните и по внимателно следење на јавното мислење. Сите ме знаете, мојот телефон е отворен и комуницирам со секого – токму тоа е доказ дека постои силна поддршка и желба повторно да ја водам општината. Карпош е десет до петнаесет години пред било која општина во Македонија“, кажа Јакимовски.
