Фото: RK Eurofarm Pelister
Македонскиот ракометен првак Пелистер ја започна сезоната во Лигата на шампионите на совршен начин, славејќи голема победа против Загреб со 25-23 пред својата публика во Битола.
Пелистер го отвори натпреварот со самодоверба и брзо дојде до предност, која на моменти достигнуваше и три гола разлика (13-10). Сепак, по неколкуте нереализирани зицери, битолчани на одмор заминаа со минимална предност од само еден гол – 13-12.
Финишот донесе вистинска драма. При водство од 24-22, Кузмановски промаши чиста шанса, а веднаш потоа и Пешевски не реализираше. Загреб доби напад за израмнување во последните секунди при 24-23, но голманот Хеидаридад беше херојот на вечерта – не само што одбрани клучен удар, туку од сопствениот гол ја погоди мрежата на гостите за конечни 25-23.
Фото: RK Eurofarm Pelister
