Фото: Принтскрин
Полицијата во Јута сè уште трага по напаѓачот кој пукаше врз конзервативниот активист Чарли Кирк на кампусот на Универзитетот Utah Valley (UVU), јавува CBS News. Според три извори блиски до истрагата, засега нема официјално идентификуван осомничен.
Првично беше приведено едно лице, но подоцна се утврди дека станува збор за погрешно осомничен и дека тој не е стрелецот, пренесе BBC.
Дополнително, два извори од безбедносните служби открија дека полицијата сè уште не го прогласила кампусот за безбеден. Ситуацијата е напната, а студентите и вработените се повикани да останат во затворени простории.
Универзитетот Utah Valley издаде официјално соопштение во кое апелира до сите кои се наоѓаат во објектите да се задржат на безбедни локации и да чекаат додека полицијата не ја преземе контролата и не овозможи нивна безбедна евакуација.
