Фото: Принтскрин
Македонската тенисерка Лина Ѓорческа продолжува со одличните настапи на меѓународната сцена. Во текот на изминатата недела таа успеа да триумфира на турнирот во Романија, што е нејзина 15-та титула во професионалната кариера. Овој успех ѝ донесе и значаен скок на најновата ВТА ранг-листа.
Со освоениот трофеј, Ѓорческа напредуваше за импресивни 43 места и во моментов се наоѓа на 239. позиција во светот. Вреди да се истакне дека годинава ја започна од 286. место, што е јасен показател за нејзината константа и напредок.
Најдобриот ранкинг во нејзината кариера досега останува 170. место, кое го достигна во 2017 година.
