Фото: Македонска Tаеквондо Федерација, Macedonian Тaekwondo Federation WT
Македонското таеквондо има нова голема надеж – младата Ведрана Тунески освои сребрен медал на официјалниот Г1 турнир што се одржа во Сен Гален, Швајцарија.
Тунески, која настапува во категоријата кадети до 48 килограми и е член на Таеквондо клуб „Бутел“, уште еднаш покажа дека припаѓа во самиот европски и светски врв. Таа веќе има европски медал зад себе, а со овој нов успех ја потврди својата репутација како една од најголемите спортски надежи на Македонија.
На патот до финалето, Тунески најпрво ја совлада Ники Судова од Чешка во четвртфиналето, а потоа и Дуру Бахадир од Турција во полуфиналниот дуел. Во финалето ја очекуваше тешка борба против Це Уе Чан од Хонг Конг, каде што македонската репрезентативка се закити со сребро.
