Фото: Принтскрин
Американскиот претседател Доналд Трамп најави дека е подготвен да премине кон „втора фаза“ на санкции против Русија, што би можело да значи засилен притисок врз Москва или врз купувачите на руската нафта. Изјавата доаѓа во време на сè поголема фрустрација на Вашингтон поради продолжениот воен конфликт во Украина.
Трамп и во минатото повеќепати се закануваше со нови мерки, но ги одложуваше за да им даде шанса на дипломатските разговори. Овој пат, сепак, американскиот претседател остави впечаток на поцврст став, иако не откри конкретни детали за тоа што би опфатиле новите санкции ниту кога би стапиле во сила. На прашање на новинарите во Белата куќа дали е подготвен за втората фаза, Трамп кусо одговори: „Да, јас сум.“
Во исто време, украинскиот претседател Володимир Зеленски изјави дека Русија денеска извршила најмасовен воздушен напад врз неговата земја од почетокот на војната. „Важно е што денеска видовме силен одговор од нашите партнери. Јасно е дека Москва се обидува да предизвика болка со уште подрски напади. Тоа е знак дека Путин го тестира светот – дали ќе го прифати ова или ќе покаже отпор,“ порача Зеленски.
It is important that today we saw a broad response from our partners to this strike. Clearly, Russia is trying to inflict pain on Ukraine with even more brazen attacks. This is a clear sign that Putin is testing the world – whether they will accept or tolerate this. pic.twitter.com/X2vGTgnDTX
— Volodymyr Zelenskyy / Володимир Зеленський (@ZelenskyyUa) September 7, 2025
