(Видео) Македонија немаше милост – со „петарда“ го разнесе Лихтенштајн

Фудбалската репрезентација на Македонија одигра доминантен натпревар и ја оправда фаворитската улога со убедлива победа од 5-0 против Лихтенштајн во квалификациите за Светското првенство.

Од првите минути, македонскиот тим го наметна своето темпо и играше претежно во противничкиот шеснаесетник, што резултираше со прв гол по само 15 минути на Елиф Елмас.

Само што започна второто полувреме, Адем Барди реализира одлична акција за 2-0, а четири минути подоцна листата на стрелци ја дополни Чурлинов, што ги направи бодовите практично сигурни.

Во финишот на средбата, Ќамили и Лука Станковски ја заокружија победата, поставувајќи го конечниот резултат 5-0. Со оваа убедлива победа, Македонија ги потврди своите амбиции во квалификациската група и испрати силна порака до ривалите.