Фото: Принтскрин
Украинскиот претседател Володимир Зеленски ја одби иницијативата на рускиот лидер Владимир Путин за одржување преговори во Москва, нагласувајќи дека единствено прифатлива опција е средбата да се случи во Киев.
Во интервју за американската телевизија ABC News, Зеленски објасни дека не може да прифати покана за патување во земја која секојдневно ја гранатира Украина.
„Ако Путин сака разговори, може да дојде во Киев. Јас не можам да отпатувам во главниот град на држава која врши агресија врз мојот народ. Тоа е апсолутно невозможно, и тој тоа добро го знае“, рече украинскиот претседател.
Од друга страна, Владимир Путин неодамна порача дека нема намера да патува надвор од границите на Русија за да се сретне со украинскиот лидер, но изрази подготвеност за разговор доколку тоа се одвива во Москва.
