Ѓорческа со пресврт ја освои титулата во Романија

Македонската тенисерка Лина Ѓорческа го освои турнирот во Слобозија, Романија, откако триумфираше во финалето против Елена Руксандра Бертеа.

Ѓорческа го загуби првиот сет од романската тенисерка со 3-6, но во следниот возврати на идентичен начин (6-3) и израмни на 1-1 во сетови.

Последниот сет понуди големи возбудувања, а Ѓорческа најпрво поведе со 2-0, но потоа нејзината противничка израмни на 2-2. Во драматична завршница, Македонката успеа да стигне до посакуваниот триумф (6-4) и нова титула во кариерата.