Убава вест: Почна исплата на средствата – овие граѓани да си ги проверат сметките

Министерството за труд и социјална политика соопшти дека започна исплатата на надоместоците од социјална, детска и цивилна заштита за месец август 2025 година.

Сите корисници кои имаат активна дебитна картичка од својата банка веќе од 5 септември ќе можат да ги подигнат средствата на банкомати, да ги користат за безготовински трансакции во продажната мрежа или да располагаат со парите преку електронско и мобилно банкарство.

Со оваа исплата, државата овозможува навремено остварување на правата за најранливите категории граѓани и обезбедува финансиска поддршка за покривање на секојдневните трошоци.

Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

05.09.2025– А, Б, В, Г, Д, Ѓ, Е, Ж, З, Ѕ; И, Ј, К, Л, Љ

09.09.2025– М, Н, Њ, О; П, Р С, Т, Ќ, У, Ф, Х, Ц, Ч, Џ, Ш.