Фото: Принтскрин
На денешен ден, 5 септември 2009 година, во мирните води на Охридското Езеро се случи најтешката бродска несреќа во поновата историја на Македонија. Бродот „Илинден“, кој пловел на релацијата Охрид – Свети Наум, потона во близина на автокампот „Елешец“, при што трагично загинаа 15 туристи од соседна Бугарија.
Трагедијата се случи околу 10:30 часот, во утро кое изгледало совршено за пловење – со топло време и мирна вода. Никој од 57-те патници на бродот не можеше да претпостави дека патувањето ќе заврши со катастрофа. „Илинден“ одеднаш изгуби стабилност, се преврте и потона на само 250 метри оддалеченост од брегот.
Несреќата остави длабока трага не само во Охрид и Македонија, туку и во Бугарија, каде што семејствата на жртвите ја примија веста со огромна болка.
