Фото: Принтскрин
Полицијата во Германија уби ученик по вооружена потера, откако претходно истиот ден тој со нож нападнал професор во стручна школа во Есен. Според информации на германскиот весник „Билд“, се работи за 18-годишен ученик со потекло од Косово.
Инцидентот се случил во училиште во областа Нордфиртел, каде што напаѓачот му пришол на наставникот и го избодел со нож во стомак. Професорот е тешко повреден и итно е пренесен во универзитетската болница, каде што бил подложен на операција. Засега не е познато дали неговиот живот е во опасност.
По нападот, младиот напаѓач избегал од местото на настанот. Не е јасно дали во моментот на инцидентот присуствувал на час или дошол однадвор во училницата.
Кратко потоа, полицијата добила пријава за сомнителна личност во еден парк која одговарала на описот на сторителот. Кога полициските службеници се обиделе да го проверат, осомничениот се упатил кон нив со нож во рака, по што бил застрелан и усмртен од страна на полицијата.
