Полициска акција во Скопје – приведени три лица поради поседување дрога

Полициските службеници од СВР Скопје во текот на 4 и 5 септември спровеле засилени контроли на повеќе локации во главниот град, при што биле приведени три лица кај кои биле пронајдени наркотични средства.

Станува збор за А.Б. (25) и М.Р. (30), двајцата од Скопје, како и А.Д. (31) од Прилеп. При извршените проверки и претреси кај нив биле откриени и одземени прашкаста материја и марихуана.

Од Министерството за внатрешни работи информираат дека предметите се испратени на вештачење, а по целосното документирање на случаите против осомничените ќе бидат поднесени соодветни кривични пријави.