Вучиќ со вонредно обраќање по хаосот во Нови Сад: Повредени се 11 полицајци, уапсени се повеќе лица

Претседателот на Србија, Александар Вучиќ, вечерва се огласи по повод насилството што се случи во Нови Сад за време на протестите и блокадите.

„Вечерва околу 9.380 луѓе беа на собирите низ цела Србија против власта. Помалку од 10.000 луѓе, а во Нови Сад според нашите податоци имаше околу 7.020. Таму, во присуство на претседателот на Европскиот парламент, некои со фантомки на главите се обидоа да ја нарушат стабилноста и безбедноста на Србија. По секоја цена сакаа да ги заземат просториите на Филозофскиот факултет. Полицијата си ја заврши работата строго професионално. Повредени се 11 полицајци, кои беа нападнати без никаква причина, а приведени се повеќе лица,“ изјави Вучиќ.

Тој нагласи дека државата нема да толерира насилство и упати порака до демонстрантите: „Никогаш нема да ја победат Србија и нејзините државни органи. Станува збор за обични кукавици кои напаѓаат луѓе виновни единствено затоа што ја вршат својата работа. Тоа народот мора да го знае. Во Нови Сад имаше 7.020 луѓе, а очекуваа 30.000. Насилството нема да биде дозволено.“