Фото: Принтскрин
Вечерва кај Филозофскиот факултет во Нови Сад дојде до жестоки судири меѓу полицијата и група демонстранти, кои се собраа по завршувањето на големиот студентски протест во центарот на градот.
Според снимки објавени на социјалните мрежи, прво дошло до турканици и вербални расправии, а потоа полицијата употребила шок-бомби, пендреци и солзавец за да ја растера групата. Демонстрантите не останале должни – одговарале со камења и различни предмети, што предизвика целосен хаос на улиците околу факултетот.
На терен можеле да се забележат запалени корпи и предмети, густи облаци од чад и неколку лица кои полицијата ги привела. Атмосферата била напната, а извикувањата на разгневените студенти и поддржувачи дополнително ја вжештиле ситуацијата.
Novi Sad sada pic.twitter.com/U7zZq0DT0P
— Marinika Tepić (@MarinikaTepic) September 5, 2025
