Фото: Принтскрин
Дарија Лопатина, позната под прекарот „Делта“, 19-годишна студентка на Киевската школа за економија (KSE) и инженер во 1. единица на Азов, загина во борбите, објави Украинска правда.
Лопатина се запишала на престижната школа за економија во 2023 година, но кратко потоа донела одлука да се приклучи на Азов со цел да ја брани својата татковина. Нејзината трагична смрт предизвика силни реакции и во академската заедница и меѓу нејзините соборци.
Од Киевската школа за економија се простија од својата колешка со емотивна порака, истакнувајќи ја нејзината интелигенција и зрелост што ја издвојувале од врсниците. „Даја знаеше и разбираше повеќе од сите нас. Таа беше неверојатно бистра, отворена и инспиративна личност која ни покажа поинаков поглед на светот. Последната година од својот живот ја посвети на Азов, бранејќи нè нас, Украина и нашето право да учиме и да живееме овде“, стои во изјавата на нејзините колеги.
Нејзините соборци од 593-та единица на Азов, пак, ја опишаа како искрена, самоуверена и страстна личност.
