Фото: Принтскрин
Кандидатот за градоначалник на општина Чаир, Бујар Османи, во своето најново обраќање упати сериозни предупредувања за насоката во која се движи државата, оценувајќи дека таа се оддалечува од европските стандарди и повторно паѓа под влијание на други геополитички центри.
Тој нагласи дека ваквата состојба не претставува закана само за Албанците, туку и за целата држава, која, според него, се соочува со историска регресија. Османи предупредува дека Албанците, но и државата во целина, се наоѓаат пред драматична историска ретроградност.
„Ќе се вратиме во орбитата на српско-руското влијание, во една мрачна сфера каде што нема европски вредности, туку авторитарност и понижување. Ускратено ни е и правото на јазикот. Албанскиот јазик е избришан од институциите, од официјалните документи“, кажа Османи.
