Фото: Принтскрин
Првиот заменик-премиер и кандидат на движењето ВЛЕН за градоначалник на општина Чаир, Изет Меџити, повторно се огласи со тешки критики кон лидерот на ДУИ, Али Ахмети.
Во интервју за весникот „Лајм“, Меџити откри нови детали поврзани со бегството на поранешниот премиер Никола Груевски од Македонија. Тој тврдеше дека во тој период полицијата го задржала возилото на Ахмети цели 24 часа, поради сомнеж дека токму со тоа возило Груевски можел да ја напушти државата.
„Автомобилот на Али Ахмети стоел цел ден во полициска станица, затоа што се сомневаа дека Груевски избегал со него. Ова е вистина што многу брзо целосно ќе излезе пред јавноста“, вели Меџити.
