Фото: Принтскрин
Секторот за внатрешни работи Скопје целосно го расветли случајот со нападот врз малолетно девојче во Чаир. Инцидентот го извршиле група врснички, кои за време на насилството го снимале настанот, а потоа видеото го објавиле на социјалните мрежи.
Според полицијата, сите инволвирани лица се идентификувани и против нив ќе бидат преземени соодветни мерки согласно законот.
„По преземени мерки и активности од страна на полициски службеници од ЕВР Центар и Бит Пазар, утврдено е дека на 20.06.2025 околу 14:00 часот на ул. „Павле Илиќ“ во Скопје, во близина на угостителски објект, 11-годишно девојче било физички нападнато од страна на три девојчиња, а едно девојче го снимало нападот со мобилен телефон.
Деновиве видеото од нападот било објавено на социјалните мрежи и на еден портал, а настанот на 01.09.2025 во полициска станица го пријавил и таткото на нападнатото девојче, кој кажал дека за настанот дознал од социјалните мрежи, а неговата ќерка не му кажала ништо поради страв да не биде нападната повторно“, соопшти МВР.
