Познато од што почина спортистката Неда – пред седум дена се породи, а потоа се жалела од силни болки

Неда Давидовиќ, млада и успешна спортска работничка од Панчево и освојувачка на бројни медали во џудо, почина на 26-годишна возраст, а сега е откриена и причината за нејзината смрт.

Како што дознава „Телеграф“, Неда Давидовиќ починала од последици на мозочен удар. Според информациите на истиот портал, таа по породувањето се жалела на силни главоболки, а кратко потоа починала.

Неда имаше извонредна спортска кариера. Освои бројни медали на државни и меѓународни натпревари во џудо, а многу млада влезе и во тренерските води.

Нејзиниот најголем успех како тренер го постигна кон крајот на 2023 година, кога на екипното сениорско првенство на Србија Џудо клубот „Тамиш“ освои бронзена медала, иако девојчињата што настапија на ова натпреварување имаа просечна возраст од само 16,5 години.