Фото: Принтскрин
Основниот кривичен суд донесе пресуда со која Сулејман Љамалари е огласен за виновен за кривичното дело – насилство, и му изрече затворска казна во траење од две години.
Во образложението на пресудата, судијката нагласи дека вината на обвинетиот е целосно потврдена и докажана надвор од разумно сомневање. Таа истакна дека насилството било насочено кон јавен функционер во моментот на извршување на службените должности, што претставува сериозен удар врз институциите на државата и нивниот интегритет.
Дополнително беше потенцирано дека обвинетиот покажал физичка надмоќ врз градоначалничката Данела Арсовска, а судот го зема предвид и фактот дека таа е жена, што уште повеќе ја нагласува тежината на стореното дело.
