Фото: Принтскрин
Двајца државјани на Парагвај се обиделе да пренесат над 150 килограми кокаин во општината Гуарапуава, во бразилската држава Парана, користејќи лажно патролно возило и униформи со цел да изгледаат како припадници на институциите. Нивниот план пропаднал кога биле запрени од Федералната автопатска полиција
Возилото, кое изгледало како службено и носело обележја и натпис „Министерство за економија“, веднаш предизвикало сомнежи кај полицајците, бидејќи во Бразил постои „Министерство за финансии“, а не институција со такво име. При рутинската контрола, откриено било дека двајцата „униформирани службеници“ воопшто не се поврзани со државни органи.
Деталната проверка открила дека во возилото се наоѓаат пакети со наркотична материја – повеќе од 150 килограми кокаин внимателно спакувани во тули, како и околу 100 нови и луксузни мобилни телефони, за кои постои сомневање дека биле наменети за шверц.
