„Пензиите повисоки за 7.000 денари, реалниот раст на платите е 7 проценти“, велат од ВМРО-ДПМНЕ

Владата предводена од ВМРО-ДПМНЕ оценува дека економските мерки и политики што се спроведуваат во изминатите осумнаесет месеци носат видливи резултати и конкретни придобивки за населението.

Од партијата нагласуваат дека реализираните програми се насочени кон подобрување на стандардот, зголемување на инвестициите и создавање услови за одржлив економски раст, што, како што велат, се чувствува во секојдневието на граѓаните.

Од ВМРО-ДПМНЕ посочуваат дека околу 300.000 пензионери во Македонија веќе ги чувствуваат промените, со што се создаваат услови за подостоинствен живот.

„За година и половина реалната плата двојно порасна. Во периодот јули 2024 – јули 2025 растот на реалната плата е скоро 7 проценти, додека за време на СДС од јули 2017 до јули 2024 растот изнесувал само 3,5 проценти“, се вели во соопштението на партијата.

Според партијата, до следната пролет вкупното зголемување на пензиите ќе достигне 7.000 денари.