Фото: Принтскрин
Претседателот на Србија, Александар Вучиќ, изјави дека до крајот на декември просечната плата во земјата ќе достигне 1.000 евра.
Во своето обраќање, тој нагласи дека државата ќе продолжи со политики насочени кон зголемување на примањата и подобрување на животниот стандард на работниците.
Вучиќ потенцираше дека покачувањето на платите е дел од поширок економски план, со кој властите сакаат да ја стимулираат потрошувачката и да ја зајакнат домашната економија.
„Во декември, просечната плата ќе биде 1.000 евра за прв пат во историјата, во март ќе биде 1.020 – 1.030“, вели Вучиќ.
