(Видео) Пожар избувна во Вардариште, исклучена е струјата во делови од Скопје

Попладнево во скопската населба Вардариште избувна голем пожар кој за кусо време зафати поголем дел од депонијата во овој дел на градот. Над областа се издигнуваше густ чад, кој беше видлив од повеќе населби во Скопје.

Од безбедносни причини, биле исклучени далеководите што снабдуваат со електрична енергија делови од Аеродром и Лисиче, со што дел од домаќинствата останале без струја.

Директорот на Центарот за управување со кризи, Мухамед Али, соопшти дека на терен се ангажирани 13 пожарникари со пет противпожарни возила и дека се работи на локализирање на огнената стихија.

4NEWS објави снимки од дрон, на кои се гледа голем дел од депонијата дека е опожарена.

Видео: 4NEWS