Фото: Принтскрин
Албанскиот премиер Еди Рама преку објава на социјалните мрежи најави почеток на голема акција за отстранување на дивоградбите долж албанското крајбрежје. Како што истакна, првата фаза ќе стартува во областа Р’тот Родон (Kepi i Rodonit) во општина Драч.
„Ова не е само еднократна акција, туку долгорочен процес кој ќе продолжи сè додека трајно не се искорени проблемот со бесправните градби,“ нагласи Рама.
Тој најави и подготовка на нов пакет законски измени, со кои ќе се засилат казните за сите лица одговорни за нелегална градба. Дополнително, премиерот порача дека мерките ќе опфатат и лица вклучени во институциите – инспектори и припадници на полицијата – кои свесно дозволувале или прикривале вакви прекршувања на законот.
