Фото: Принтскрин
Септемвриските пензии, кои ќе бидат исплатени на 1 октомври, ќе бидат зголемени за 1.000 денари. Со ова линеарно покачување, властите очекуваат да им обезбедат дополнителна финансиска поддршка на највозрасните граѓани, кои се меѓу најпогодените од високите трошоци на живот.
Премиерот Христијан Мицкоски нагласи дека Владата интензивно работи на подготовка на анализи со кои ќе се утврди моделот за идно зголемување на пензиите. Според него, во тек се проценки за тоа какво процентуално усогласување би било најреално, како и колкав финансиски товар ќе претставува тоа за државниот буџет.
„Зголемувањето ќе биде 1.000 денари во октомври, а дополнителни 1.000 денари во април. Ова мора да се случи пред распишувањето на изборите, преку закон со скратена постапка или иницијатива од пратеници“, кажа Мицкоски.
