Фото: МУП Србија
Српското Министерство за внатрешни работи денеска соопшти дека при редовната проверка на поштата во зградата на Владата на Србија, вчера биле пронајдени три куршуми во коверт адресиран до вицепремиерот и министер за внатрешни работи, Ивица Дачиќ.
При рутинската безбедносна контрола со рендген-уред, службените лица забележале необична содржина во пликот, по што било утврдено дека се работи за куршуми. Пратката, според досегашните информации од истрагата, била предадена на 26 август во канцеларијата на Пошта Србија во Пожаревац.
Од МВР информираат дека се преземаат сите неопходни мерки за утврдување на потеклото на поштата и за обезбедување на безбедноста на примачот.
