Фото: Принтскрин
Министерот за внатрешни работи, Панче Тошковски, најави дека од следната учебна година, септември 2026, повторно ќе биде активирано средното полициско училиште.
Одговарајќи на новинарски прашања за практичната примена на образованието, Тошковски истакна дека сите ученици кои успешно ќе го завршат средното полициско образование ќе имаат загарантирано вработување во полицијата.
„Секој еден кој што ќе се запише на полициската академија во иднина во рамки на средното полициско училиште и успешно ќе го заврши ќе биде дел од структурите на Министерството за внатрешни работи, значи се гарантира вработување во министерството за внатрешни работи. За почеток, предвидено е да ги интегрираме во рамки на специјализираното средно полициско училиште оние ученици коишто ќе завршат втора година во рамки на останатите средни училишта, значи ќе започнат со школување во средното полициско училиште трета и четврта година“, кажа Тошковски.
