Фото: Принтскрин
Додека на просторот на поранешниот „Бриколаж“ веќе се гради нов маркет на Лидл, како што дознава „Слободен печат“, германската компанија планира да отвори уште еден објект во Реонскиот центар во општина Аеродром.
Парцелата со површина од 3.265 метри квадратни, која претходно беше во сопственост на домашна градежна фирма, веќе е стекната од страна на „Лидл“. Од Општина Аеродром потврдуваат дека е издадено официјално одобрение за градење, што ја означува почетната фаза на новата инвестиција.
Со отворањето на новиот маркет, „Лидл“ дополнително ја зајакнува својата присутност во Скопје, обезбедувајќи поголема достапност на производите и нови работни места за граѓаните во општината.
Извор: Слободен печат
