Во шпанскиот град Буњол вчера беше одбележан јубилејниот 80-ти роденден на прочуениот фестивал „Ла Томатина“. За време на настанот, кој е препознатлив ширум светот, беа потрошени околу 120 тони домати – целосно посветени на забавната битка што секоја година ја собира илјадниците посетители.
Организаторите се грижат овошјето да биде доволно меко пред да се фрла, за да се спречат повреди и непријатности кај учесниците.
Овој необичен обичај своите корени ги има уште во 1945 година, кога група тинејџери во градот започнале спонтана „војна со храна“. Оттогаш, традицијата прерасна во светски познат настан што секогаш се одржува во последната среда од август.
