Вучиќ со радосни вести за Србите – паѓаат цените на производите, а ќе растат и приходите на граѓаните

Претседателот на Србија, Александар Вучиќ, соопшти одлична вест за пензионерите.

Пензиите од 1 декември ќе бидат зголемени за 12 проценти, изјави Вучиќ во гостување на ТВ Пинк.

– На граѓаните на Србија им најавив дека пензиите од 1 декември ќе пораснат меѓу седум и осум проценти, верувајќи дека ќе бидат околу осум проценти. Тоа би било значителен раст ако се има предвид дека очекуваме годишна инфлација од околу четири проценти, што значи дека животниот стандард на пензионерите би се зголемил за 3,5 до четири проценти. Тоа значи дека, доколку некој имал пензија од 40.000 динари, таа би изнесувала 43.200. Меѓутоа, сега сакам да ја соопштам радосната вест за нашите пензионери – тие го заслужија тоа – пензиите ќе растат можеби дури и за 12 проценти – изјави Вучиќ на ТВ Пинк.

Тој додаде дека со зголемување од 12 проценти, пензијата од 40.000 динари ќе изнесува околу 44.800 динари, а пензијата од 50.000 ќе достигне 56.000 динари.

Исто така, од септември е најавено намалување на цените на голем број производи во Србија.