Фото: Принтскрин
Младиот Јован Кутаноски на посебен начин го одбележа големиот празник, препливајќи ја релацијата од Струга до Радожда низ бистрите води на Охридското Езеро.
Пливањето започна во раните утрински часови од струшкиот брег, а заврши на плажата во Радожда, каде што Јован со овој подвиг испрати силна порака на вера, љубов и благодарност кон Пресвета Богородица. Во македонската духовна традиција, Таа е особено почитувана како заштитничка и застапничка на верниците пред Бога.
Настанот беше пречекан со радост, а бројните присутни го поздравија со аплаузи и искрени честитки.
