Фото: Принтскрин
Откако градоначалникот на Кавадарци, Митко Јанчев, јавно реагираше на објава на фолк-пејачот Спасен Силјаноски, пејачот вечерва повторно се огласи на своите профили на социјалните мрежи.
Јанчев претходно го повика Силјаноски да дојде во Кавадарци и лично да одговори на неколку прашања, нагласувајќи дека се чувствува навреден поради споредбата на градската манифестација со „роштиљијада“. Дополнително, градоначалникот го праша пејачот колку посетители би можел тој самиот да донесе во градот.
Како одговор на ваквата реакција, Силјаноски вечерва објави видео во живо, преку кое директно се обрати на јавноста и даде свој став околу настанот и репликата со градоначалникот.
