Фото: Принтскрин
Во текот на ноќта во близина на трговскиот центар „Зебра“ во Скопје избувна пожар кој предизвика вознемиреност кај граѓаните. На снимки од местото на настанот се забележува како пламенот зафаќа простор веднаш до паркирани автомобили, од кои дел беа оддалечени само неколку метри од жариштето.
Огнената стихија се ширеше брзо и претставуваше сериозна закана за возилата и за околните објекти. Благодарение на навремената интервенција на противпожарната служба, пожарникарските екипи со неколку возила стигнаа на лице место и започнаа со гаснење, со што беше спречена поголема материјална штета.
