Оџата Шпенди со порака до премиерот: Албанците се како планина, не се играчка во рацете на Мицкоски

Струшкиот оџа Шпенди Ибраими испрати остра порака до премиерот Христијан Мицкоски, реагирајќи на неговите изјави поврзани со бројноста и политичката тежина на Албанците во државата.

Во својата јавна реакција, Ибраими потенцира дека Албанците не се бројка која може произволно да се толкува или прилагодува според нечии политички интереси, туку народ со јасен идентитет, достоинство и право да ја определува сопствената иднина.

„Секој што смета дека Албанците може да ги води по свој ќеф, ја игнорира вистината – а таа е дека Албанците секогаш самостојно го избирале патот по кој одат. Ние сме староседелци во оваа земја и тоа никој не може да го избрише. Албанците се како планина: силни, високи и непобедливи. Нема ништо однадвор што може да ги контролира“, истакнува Ибраими.