На денешен ден: Во 2001 година терористи на УЧК разнесоа мотел со динамит ставен околу тела на двајца Македонци

На денешен ден, 26 август, во македонската понова историја се памети еден од потрагичните настани поврзани со конфликтот од 2001 година.

Токму на овој датум, албански вооружени групи со експлозив целосно го разнесоа мотелот „Бриони“, сместен крај реката Вардар, во близина на селото Челопек, Тетовско. Во нападот настрадаа двајцата чувари на објектот – Боге Илиевски и Свете Трајчевски, кои беа пронајдени мртви со динамит врзан околу нивните тела и прицврстени за потпорните столбови на мотелот.

Ова злосторство се случи во исклучително чувствителен период – само две недели по потпишувањето на Охридскиот рамковен договор, документот кој требаше да ја означи стабилизацијата на земјата, и пет дена по уништувањето на Лешочкиот манастир. Настанот ја потресе јавноста и дополнително ги зголеми тензичните односи во земјата.

Случајот подоцна беше опфатен во рамките на автентичното толкување на Законот за амнестија, заедно со уште три случаи кои беа дел од таканаречените „хашки предмети“.