Фото: Принтскрин
Македонскиот пливач на долги патеки Евгениј Поп Ацев постигна историски спортски успех со успешно препливување на Ламанш, едно од најголемите предизвици во светот на маратонското пливање.
На оваа тешка релација, која е симбол на издржливост и спортска решителност, на Поп Ацев му беа потребни 9 часа и 43 минути за да стигне до посакуваната цел. Со тоа тој стана само петтиот Македонец кој ја има совладано оваа светски прочуена маратонска патека.
Пред него, овој подвиг им успеа на пионерите Нико Нестор и Атина Бојаџи, а потоа и на врвните пливачи Томи Стефановски и Игор Димовски, кои оставија траен белег во историјата на македонското пливање.
За Поп Ацев ова беше втор обид да го освои Ламанш – неговиот прв настап во 2023 година не заврши со посакуваниот исход, но токму тоа претставуваше дополнителен мотив за оваа година да покаже упорност и спортски дух, кои на крајот резултираа со голем успех.
