Фото: Принтскрин
Украина во текот на ноќта изведе нов бран воздушни напади со дронови врз неколку енергетски објекти во Русија, меѓу кои и нуклеарната централа во Курск, како и нафтениот терминал во пристаништето Уст-Луга во Ленинградската област, потврдија руските власти.
Според официјалните информации, при ударот врз нуклеарната електрана во Курск – која се наоѓа недалеку од границата со Украина – бил оштетен помошен трансформатор. Ова довело до намалување на производниот капацитет за околу 50 проценти.
Иако штетата предизвика привремени нарушувања во работата на централата, одговорните лица соопштија дека нема повредени и дека пожарот што избувнал бил локализиран за кратко време. Дополнително, мерењата покажале дека нивото на радијација во централата и околината останува во рамки на дозволените граници, што ја исклучува можноста за опасност по населението.
Fire Breaks Out At Kursk Nuclear Plant | Kyiv's Drone Shot Down#RussiaUkraineWar #WIONOriginals pic.twitter.com/UN4pU1gqPH
— WION (@WIONews) August 24, 2025
