Фото: Принтскрин
Тешка сообраќајна несреќа се случи вечерва делницата Саранда–Делвина, во близина на мостот кај Вана, каде што две сестри го загубија животот, а уште една девојка е во тешка состојба во болница.
Полицијата потврди дека загинатите се Елвиса Димака (22) и нејзината сестра Розина Димака (20), двете со потекло од селото Копачез, општина Делвина. Патничката во истото возило, Антонела Жупа (24), е тешко повредена и со итна помош е пренесена во болницата во Саранда, каде што е под постојан надзор на лекарите.
Според првичните информации од истрагата, судирот се случил околу 20:15 часот, на местото наречено „Пулариа“. Автомобил марка Ауди, управуван од 23-годишниот К. Н., удрил директно во возило Ланча, кое го управувала Елвиса Димака. Од силниот удар, двете сестри починале на лице место, додека нивната пријателка сè уште се бори за живот.
