Фото: Принтскрин
Премиерот Христијан Мицкоски, денеска за време на посетата во Кочани, најави нови законски решенија кои ќе се однесуваат на игрите на среќа и на брзите кредити. Како што истакна, измените во законот за игри на среќа ќе донесат сериозни новини, а паралелно ќе се работи и на регулирање на работењето на компаниите што нудат брзи кредити.
Мицкоски посочи дека постојат сомнежи дека дел од овие финансиски компании се намерно лоцирани во близина на казина и обложувалници, што дополнително го влошува проблемот со задолжувањето кај граѓаните. Според него, многу семејства се доведени во тешка економска состојба и често се принудени да прибегнат кон вакви услуги.
„Голем дел од граѓаните со финансиски проблеми — а дел потоа и заминуваат од Македонија — се корисници на вакви услуги“, кажа Мицкоски.
