Фото: Принтскрин
Во северниот дел на Италија е приведен 49-годишен државјанин на Украина, идентификуван како Серхиј К., поради сомнение дека имал улога во организирањето на саботажата врз гасоводите „Северен тек“.
Апсењето е извршено врз основа на европска потерница што ја издале германските истражни органи. Според првичните информации, лицето има минато како припадник на украинските специјални сили и поранешен член на безбедносните структури.
Иако Киев постојано ги демантира обвинувањата за вмешаност во нападите, и натаму останува нејасно дали уапсениот во моментот на експлозиите во 2022 година бил во активна служба. Истражните власти најавија дека ќе продолжат со собирање докази за да се утврди неговата конкретна улога во случајот, кој предизвика глобално внимание и сериозни политички последици.
