(Видео) Гори на аеродромот во Милано, човек крши сè пред себе со чекан, патници бегаат во паника

Денеска на миланскиот аеродром Малпенса се одигра вистинска драма, кога еден маж предизвика хаос во терминалот, прво уништувајќи дел од опремата, а потоа и запалувајќи ги шалтерите, додека во рацете држел чекан со кој напаѓал сè што ќе му се најде на патот.

Инцидентот се случил во раните утрински часови, во зоната за пријавување на патници на Терминал 1. Очевидци сведочат дека мажот ненадејно влегол во просторијата и веднаш почнал да удира со чекан по мониторите кои ги прикажувале летовите, предизвикувајќи голема вознемиреност меѓу присутните. Веднаш потоа, тој запалил оган во близина на местата за заминување, токму до излезот број 13, поради што дел од терминалот бил исполнет со чад.

Сцената предизвикала паника кај патниците кои брзо го напуштиле просторот, додека неколкумина присутни, заедно со обезбедувањето на аеродромот, успеале да го совладаат напаѓачот и да спречат поголема катастрофа.

За среќа, во инцидентот нема сериозно повредени патници, но материјалната штета е значителна. Италијанските медиуми јавуваат дека напаѓачот бил приведен и предаден на полицијата, а истрагата ќе треба да утврди какви мотиви стојат зад неговото насилно однесување.

A man rampaging through Milan’s airport, smashing check in screens with a hammer and attacking staff, then setting fire , before being ‘ detained ‘… That’s all ? 🫣🤔 pic.twitter.com/XeChjB95CK

— MaggieWise ⭐️⭐️⭐️ (@maggiewise111) August 20, 2025