Фото: Принтскрин
Тетовецот А.С. (41), вработен во Основниот суд во Тетово, трагично го загуби животот вчера додека престојувал на одмор со своето семејство на плажата Шкемби, во близина на Каваја кај Драч, Албанија.
Според сведочења на очевидци пренесени од албанските медиуми, присутните на плажата успеале двапати да го реанимираат, но поради задоцнетиот пристиг на екипата на Брзата помош – која дошла дури по повеќе од еден час – неговиот живот не можел да биде спасен.
Неочекуваната смрт на А.С. предизвика голема тага и неверување кај неговото семејство, пријателите и колегите од судот во Тетово, бидејќи, според достапните информации, тој немал никакви хронични заболувања.
Косовскиот весник „Експрес“ објави дека починатиот оставил зад себе сопруга и две малолетни ќерки, кои сега се соочуваат со тешка загуба.
